朗豪坊座落既係陰地......一d鮮為人知o既......

~:+:波波:+:~

呢件事發生係我網友既網友既親戚既身上.....
話說佢有一次去朗豪坊同佢既仔女行街,
去過朗豪坊既人都知度個度有一條好長好長既電梯la...
佢個仔見到條電梯就好開心想去搭la.....
但係佢個女同佢自己都有畏高症,
於是就冇搭條電梯.....淨係得佢個仔搭個條電梯
之後奇怪既事發生la.....
佢地去完朗豪坊之後.....佢同佢個女既運氣突然好差,又俾人搶銀包...又俾人點錯相俾人打....又有人淋佢油,每晚都發同一個夢.....個夢既內容係佢地兩個俾一個渣住刀既人追殺, 條路長到跑極都跑唔完.......?而佢個仔一D事都冇......


佢地頂唔順,搵左個風水學家o既朋友,
佢地講哂之前發生既事之後,個學家就講:”你去過朗豪坊?” 佢地話:”係呀!你點知架?”


之後個風水學家就同佢地講.... "朗豪坊座落既係陰地,每個入過去既人都會受到陰氣攻擊,小則好似你地咁晚晚發惡夢,運氣差到死,大則有殺身之禍!而朗豪坊既發展商知道呢件事就特登起左條長電梯, 因為 長電梯既樣似一把劍,能夠辟邪,所以你地個仔就係咁一D事都冇.”

佢地聽完之後就即刻去多次朗豪坊搭長電梯,個晚之後衰野冇野,仲冇發惡夢tim!